وانا قاعد مع نفسي كده ، وعمال اتناقش معاها .. كنت مخنوق شوية ساعتها وكاره المجتمع وناقم عليه .. م الآخر كنت في حالتي الطبيعية يعني .. المهم فكرت في حاجة كده طرأت على بالي
ليه مانخصصش يوم من كل عام للاحتفال بالخنقة؟ .. بجد مش باهرج .. فيها ايه يعني ؟.. اشمعنى الفالنتاين والحاجات دي لها عيد .. طب احنا المخنوقين مش نمثل طائفة من الشعب ؟ .. يبقى لازم يكون لينا يوم احنا كمان نحتفل بيه بخنقتنا ، زي ما الحبيبة لهم يوم بيحتفلوا بيه بحبهم
طيب .. انا هاتكلم شوية كده باعتباري واحد من المخنوقين .. مش سعيا خلف كسب التعاطف الجماهيري .. لا .. بس يعني .. أهو نشوف هل فعلا نستحق يوم زي ده والا لا .. واحكم انت وشوف
الأيام شبه بعض .. النهاردة زي امبارح وأكيد زي بكرة .. الأسبوع ده زي الأسبوع الجاي .. السنة نفسها تكرار للسنوات اللي قبلها ، ومافيش حاجة تبشر أن اللي بعدها هاتفرق عنها
الوشوش في الشارع هي هي .. التعبيرات على الوشوش نفسها مابتتغيرش .. شويتين الشباب اللي في البلد واللي المفروض أني بانتمي ليهم من الناحية العمرية مالهومش ملّة .. بص كده بنفسك في الجامعة .. أدخل من الباب كده وابدأ راقب الوجوه .. أي حتة فيها شويتين زرع هاتلاقي العالم قاعدين ولا على بالهم أي شيء .. اتفرج على تصرفاتهم واحكم بنفسك .. انا ياعم زهقت من أم المناظر دي اللى مجبر أشوفها كل يوم أروح فيه المخروبة دي .. كل واحدة بتبقى "قالعة" اللى ع الحبل مش لابسة ، وكل نطع من اللى معاها مبسوط بيها وهاتك يا ضحك وتخبيط وتلزيق معاها .. وطبيعي هي في أكتر حالات الانبساط والفرفشة .. يعني بجد انا مش فاهم هم عاوزين ايه بالظبط؟ .. ايه الرسالة اللي أي بنت قالعة بالمنظر ده وبتتصرف بالسبهللة دي عاوزة توصلها للي يشوفها؟ .... طيب والنطوع اللي معاها .. هايعوزوا ايه منها ؟ .. بس وحياة أبوك يا أخي ماتقولي الصداقة والأخوة البريئة عشان مش طالبة وجع قلب .. هو مش انا شاب برضه وليا صحاب شباب وعارف ازاى بيفكروا وبيتصرفوا ؟
معلش اسمعوني شوية .. هانفضل لحد امتى مكسوفين أوي من واقعنا المهبب ؟ .. حاجات كتير بتحصل حوالينا .. بتحصل لك انت وانتي وهو وهي .. وكل اللى بنعمله أننا ندفن راسنا في الزبالة .. نعمل مش شايفين على أساس أن ده هو اللى هايمنع كل حاجة وحشة ، وأن ده هايخلي الدنيا وردي
تيجي تبص ، تلاقي واحد باظظلك م الأرض بيكلمك عن الكلام مع البنات ، ولا .. وازاي .. ومايصحش .. وعيب .. وحرام .. ويسمعك موشحة عمرو بن كلثوم عن خطورة الكلام معاهم ولو ع النت .... تيجي تبص على البيه ، تلاقيه بيكلم بنات .. ومش أي بنات .. لا وبيكلمهم في – ولامؤاخذة – الجنس !! .. ياحبيب ماما .... أومال انت نازل واجع دماغي ليه م الصبح ومصدعني بكلامك
ليه مانخصصش يوم من كل عام للاحتفال بالخنقة؟ .. بجد مش باهرج .. فيها ايه يعني ؟.. اشمعنى الفالنتاين والحاجات دي لها عيد .. طب احنا المخنوقين مش نمثل طائفة من الشعب ؟ .. يبقى لازم يكون لينا يوم احنا كمان نحتفل بيه بخنقتنا ، زي ما الحبيبة لهم يوم بيحتفلوا بيه بحبهم
طيب .. انا هاتكلم شوية كده باعتباري واحد من المخنوقين .. مش سعيا خلف كسب التعاطف الجماهيري .. لا .. بس يعني .. أهو نشوف هل فعلا نستحق يوم زي ده والا لا .. واحكم انت وشوف
الأيام شبه بعض .. النهاردة زي امبارح وأكيد زي بكرة .. الأسبوع ده زي الأسبوع الجاي .. السنة نفسها تكرار للسنوات اللي قبلها ، ومافيش حاجة تبشر أن اللي بعدها هاتفرق عنها
الوشوش في الشارع هي هي .. التعبيرات على الوشوش نفسها مابتتغيرش .. شويتين الشباب اللي في البلد واللي المفروض أني بانتمي ليهم من الناحية العمرية مالهومش ملّة .. بص كده بنفسك في الجامعة .. أدخل من الباب كده وابدأ راقب الوجوه .. أي حتة فيها شويتين زرع هاتلاقي العالم قاعدين ولا على بالهم أي شيء .. اتفرج على تصرفاتهم واحكم بنفسك .. انا ياعم زهقت من أم المناظر دي اللى مجبر أشوفها كل يوم أروح فيه المخروبة دي .. كل واحدة بتبقى "قالعة" اللى ع الحبل مش لابسة ، وكل نطع من اللى معاها مبسوط بيها وهاتك يا ضحك وتخبيط وتلزيق معاها .. وطبيعي هي في أكتر حالات الانبساط والفرفشة .. يعني بجد انا مش فاهم هم عاوزين ايه بالظبط؟ .. ايه الرسالة اللي أي بنت قالعة بالمنظر ده وبتتصرف بالسبهللة دي عاوزة توصلها للي يشوفها؟ .... طيب والنطوع اللي معاها .. هايعوزوا ايه منها ؟ .. بس وحياة أبوك يا أخي ماتقولي الصداقة والأخوة البريئة عشان مش طالبة وجع قلب .. هو مش انا شاب برضه وليا صحاب شباب وعارف ازاى بيفكروا وبيتصرفوا ؟
معلش اسمعوني شوية .. هانفضل لحد امتى مكسوفين أوي من واقعنا المهبب ؟ .. حاجات كتير بتحصل حوالينا .. بتحصل لك انت وانتي وهو وهي .. وكل اللى بنعمله أننا ندفن راسنا في الزبالة .. نعمل مش شايفين على أساس أن ده هو اللى هايمنع كل حاجة وحشة ، وأن ده هايخلي الدنيا وردي
تيجي تبص ، تلاقي واحد باظظلك م الأرض بيكلمك عن الكلام مع البنات ، ولا .. وازاي .. ومايصحش .. وعيب .. وحرام .. ويسمعك موشحة عمرو بن كلثوم عن خطورة الكلام معاهم ولو ع النت .... تيجي تبص على البيه ، تلاقيه بيكلم بنات .. ومش أي بنات .. لا وبيكلمهم في – ولامؤاخذة – الجنس !! .. ياحبيب ماما .... أومال انت نازل واجع دماغي ليه م الصبح ومصدعني بكلامك
طيب .. بلاش ده .. انا نفسي مرة ألاقي حد فعلا جاي يعالج مشكلة ما ، ويبص لها بواقعية ويتكلم بعقل .... انما حاليا .. كل اللي بيتكلم عن الإصلاح والا البرنجان قاعد في برج عالي وبيتكلم منه كلام عجيب .. وبيقترح حلول ولا لها أي علاقة بأي حاجة في أى اتجاه .. وكل اللى بيعمله أنه بيزود الأمور تعقيدا على الخلق مش أكتر
كل حاجة دلوقت تسمع فيها وجهتي نظر .. إما المنع المطلق أو الإباحة التامة .. وطبيعي اللي بيمنع بيمنع وخلاص ولا له دعوة ازاى يتم ، ولا أنه بيتعامل المفترض مع نفوس بشرية مش مع آليين أول ما يقوله افتح يا مازنجر يروح سامع الكلام .. لا هو يقوم جاي يرمي الكلام وخلاص .. ويروح ينام مرتاح وهني البال على خدمته العظيمة للمجتمع وللبشرية
ماتكلمش بنات خاااااااااااااااالص .. ابعد عنهم كأنهم عقارب الصحراء .. دول أعداء يابني .. أول ماتلاقي بنت ماشية استعيذ بالله من الشيطان زي ما بتعمل لما تسمع حمار بينهق بالظبط .. وأول ما المنكر ده يعدي احمد ربك أنك نجوت .. طب ياعم الحاج ماهو الواحد لو اتعامل بالطريقة دي الذرية البشرية مش هاتكتمل طول مانا بابص للجنس الآخر النظرة دي .. طب ياسيدي الواقع مختلف بغض النظر عن صحته أو خطأه .. لا برضه هو كده .. أوعى تكلم أي امرأة حتى لو كانت دايسة على رجلك بكعب جزمتها .. حد يكلم منكر برضه ؟!
على الجانب التاني .. الحياة وردي تماما .. اعمل اللي انت عاوزه ياحاج .. كله مباح وكله تمام وكله حلاوة
تعالى مثلا لحاجة زي التعليم الجامعي ده .... كله قرف × قرف .. تلاقي واحد الناس بتقوله دكتور وهو بيتصرف تصرفات المتشردين ، ومفكر نفسه نصف إله وأن اللي خلقه ماخلقش غيره .. وتلاقيك بتنزل تسافر وتتقرف لمجرد أنك تروح سيكشن والا محاضرة تنام فيها عشان لما ييجي الغياب تثبت أنك حضرت !! .. والمصيبة بقى أنك تلاقي أهلك في البيت متهمينك أنك مقصر لأنك مابتروحش !!!! .. ولو حصل حاجة كده والا كده من اللى بيسموه دكتور .. يعني مثلا ظلمك في درجات والا حاجة يرجع اللوم عليك انت عشان ماكنتش بتروح وتلتزم !!!! .. يعني على طول الخط الغلط جاي من برة ، وفي الآخر برضه أنت الغلطان والمقصر الوحيد
الموضوع ده زيه بالظبط زي كلام بعض السياسيين عن الأوضاع في فلسطين أو حوار لبنان اياه ده .. ماسكين الفلسطينيين واللبنانيين مبهدلينهم ومطلعين عينهم نقد وتطويح يمين وشمال ، وحماس غلطانة عشان مش عارف ايه .. لا وحزب الله مش عارف بيعمل ايه وإيران مش عارف مالها .... ولا كأن في إسرائيليين ، ولا كأن في أمريكان .... لا العيب كله والغلط كله في حماس وحزب الله .. وهيييييييييييصة !!
يعني ... م الآخر كده ......
دلوقت الواحد يقف محتار .. لا الحل ده نافع .. ولا ده نافع .. طب ياجدعان بالراحة على الواحد .. هاتوا حل وسط .... بصوا للواقع بقى واسمعوا الناس عايشة ازاى واقترحوا حلول تطبق على الواقع مش على السحاب اللي انتو عايشين عليه
تقريبا أفضل حل أنك تتعود على تمارين اليوجا ، وتقضي وقتك يوجا على طول .. عشان ترتاح !
باقول ايه .. انا اتخنقت .. كفاية الكلمتين دول .. وخلي اللي جوايا جوايا بقى ............ ويخرب بيت اللي يزعلك يا شيخ
صحيح .. قبل ما أنسى .. حاجة أخيرة بس
إلى جانب يوم الخنقة اللي اقترحته .. أقترح كمان تخصيص يوم للظالم .. تطبيقا للمقولة كاسحة الشهرة لك يوم يا ظالم .. وعلى رأي أحد أصدقائي المقربين .. يوم الظالم عبادة
التسميات: حاجات تشل, فضفضة بشكل أو بآخر
السلام عليكم..
أول مرة أشارك في مدونة .. ياللا سجل عندك بقى..
تصدق أنا اتخنقت بجد..
ابقى احجزلي اليوم اللي بعده..
علىفكرة يا سيد يا اخويا.. الخنفة دي طبيعية.. أي ابن آدم طبيعي لازم يحس بالخنقة دي.. الفكرة بقى في عدم الاستسلام ليها..
يعني كلنا عارفين انك مش هتدوق طعم الراحةالا ورجلك في الجنة.. وce la vie بقى وكدة.. ازاي تتطلع من الخنقة رغم إنك حاسس بيها عشان توصل للراحة..
عارف نفس فكرة الاكتئاب الإيجابي كدة..
اللي في ناس بتقول عليه انه الاكتئاب الذي يصيب المؤمن.. ده غير السلبي اللي ممكن يودي الواحد لسكة اللي يروح ميرجعش والعياذ بالله..
يبقى يا سيد سيدوفسكي.. سيبك بقى من الخنقة دي.. واشتغل على نفسك واللي ليك سلطة عليهم في حدود اختصاصاتك (أنا عارفة ان ملكش لسة.. وربنا يرزقك بزوجة وعيال تمارس عليهم سلطات بقى)
وسيبك من الناس الوحشين المثيرين للخنقة.. وسيعلم الذين ظلموا أي منقلب ينقلبون..
تحياتي يا فندم..
إلا صحيح مش هتعملنا لينك عشان نسجل فيه لما تنزل حاجة جديدة يجيلنا تنبيه؟ معلش هنتقل عليك..